Mundësia për vota me anë të postës për zgjedhjet në Kosovë, është mbyllur ditën e sotme.
Komisioni Qendror i Zgjedhjeve ka bërë të ditur koha e votimit është mbyllur, por ende janë duke pranuar pako të fletëve të votimit që vijnë nga jashtë, shkruan Insajderi.
“Ju konfirmoj se sot përmbyllet periudha e votimit përmes postës dhe Komisioni Qendror i Zgjedhjeve është duke vazhduar të pranojë pako të supozuara me fletëvotime të cilat po vijnë nga jashtë vendit”, thuhet në përgjigjen e KQZ-së.
Po ashtu, Komisioni Qendror i Zgjedhjeve ka treguar se deri më tani numri i pakove me fletëvotime që janë pranuar është 38 mijë e 339.
Pranimi i pakove po bëhet me shoqërimin e Policisë së Kosovës si dhe vëzhguesve të subjekteve politike dhe organizatave jo-qeveritare të akredituara.
