Votuesit japonezë do të shkojnë në kutitë e votimit të dielën, pavarësisht vrasjes së ish-liderit Shinzo Abe vetëm dy ditë para se të mbaheshin zgjedhjet.
Abe u qëllua në mes të ditës, ndërsa mbante një fjalim në qytetin Nara të premten, përpara se të shpallej i vdekur në spital. Vdekja e tij ka tronditur dhe zemëruar Japoninë, një komb i pamësuar me dhunë me armë.
Për çfarë janë zgjedhjet? Elektorati do të votojë që ligjvënësit të ulen në dhomën e sipërme- parlamentin japonez. Sipas transmetuesit publik NHK, janë 125 vende për ‘t’u rrëmbyer’. Dhoma e sipërme është më pak e fuqishme nga dy dhomat e Parlamentit. Anëtarët e dhomës së lartë miratojnë legjislacionin, por ai mund të anashkalohet nga dhoma e ulët. Anëtarët e dhomës së lartë prej 245 vendesh shërbejnë për një mandat gjashtëvjeçar, me zgjedhje përafërsisht gjysmën e vendeve çdo tre vjet.
Çfarë po bënte Abe në Nara? Në kohën e të shtënave, Abe po fliste në mbështetje të kandidatëve të Partisë Liberale Demokratike (LDP) në pushtet përpara zgjedhjeve. Pavarësisht dorëheqjes si kryeministër i Japonisë në vitin 2020 për arsye shëndetësore, Abe mbeti një figurë me ndikim dhe vazhdoi të bënte fushatë për LDP-në.
Çfarë ka thënë kryeministri Fumio Kishida? Kishida tha se do të vazhdojë fushatën të shtunën për zgjedhjet, duke shtuar se një votë e lirë dhe e drejtë duhet të mbrohet me çdo kusht. Duke folur të premten, ai i shprehu “ngushëllimet më të thella”, duke thënë se “ishte një mik personal, me të cilin kalova shumë kohë”.
Si po përgatitet Japonia për zgjedhjet? Qytetet në të gjithë vendin prej 125 milionë banorësh po përgatiteshin për votim të shtunën, raportoi NHK. Videoja e transmetuar në NHK tregoi punëtorët e fushatës duke ngritur qendrat e votimit dhe organizimin e vendeve. Do të ketë 46,000 qendra votimi në të gjithë Japoninë dhe votimi pritet të hapet në orën 7 të mëngjesit me orën lokale të dielën, raportoi NHK.
Burimi i lajmit: CNN. Përshtatur nga Tirana Today
