Zgjedhjet në FSHF/De Biasi zbarkon në Tiranë për të mbështetur Dukën (Video)

Gianni De Biasi është kthyer në një ikonë të futbollit shqiptar, pasi arriti të futet në histori duke kualifikuar Shqipërinë në një kompeticion Europian. I ndodhur në Tiranë, për të vizituar ekspozitën në nder të arritjes që bëri me kuqezinjtë në Euro 2016, ai nuk i shpëtoi dot dhe pyetjes për zgjedhjet në FSHF. De Biasi doli hapur në mbështetje të Armand Dukës, ku dhe listoi disa arsye se pse mbështeste atë. Jo vetëm ish-trajneri i kuqezinjve, por edhe disa lojtarë kanë dalë hapur në mbështetje të Dukës për të fituar mandatin e pestë radhazi.

” Sa për votimet pa patur asgjë me kandidatin rival të Dukës që nuk e njoh dhe nuk e gjykoj, por mund të gjykoj njeriun dhe presidentin profesionist Armand Duka, për punën që ka bërë dhe po bën për futbollin shqiptar. Nëse do të votoja do të votoja Dukën, e para sepse e njoh personalisht, dy sepse ka raporte shumë të mira me institucionet ndërkombëtare dhe tre se po bën shumë për futbollin shqiptar duke nisur nga stadiumet Elbasan Arena, Loro Boriçi , Arena Kombëtare apo selia e re e Federatës, dhe janë të gjitha gjëra shumë të mira. Një institucion mund të jetë simpatik ose jo , por mund të them që në 5 vite e gjysmë që kam qenë trajneri i kombëtares shqiptare më ka mundësuar të punoj shumë mirë, ndaj do të preferoja Dukën.”