Ka nisur sot procesi i votimit që nga ora 07:00 në Kosovë, ku qytetarët me të drejtë vote do të zgjedhin udhëheqësit komunalë, kryetarët dhe asambletë komunale, në 38 komuna.
Deri në orën 19:00 do të jenë të hapura 899 qendra të votimit, ndërsa do të votohet në 2505 vendvotime.
Të drejtën e votës në zgjedhjet lokale e kanë 1 milion e 890 mijë e 952 qytetarë, prej të cilëve 18 mijë e 11 janë votues të rinj.
Komisioni Qendror i Zgjedhjeve (KQZ), ka certifikuar më shumë se 200 kandidatë, 91 subjekte politike, një koalicion, 30 nisma qytetare, 25 kandidatë të pavarur dhe 7080 kandidatë për asamble komunale.
33 mijë e 300 vëzhgues do të vëzhgojnë zgjedhjet e 22 tetorit dhe që përfaqësojnë subjektet politike të certifikuara, OJQ-të vendore, organizatat ndërkombëtare, ambasada, media vendore dhe ndërkombëtare
Zgjedhjet lokale do të kenë një kosto prej 4.5 milionë deri në 5 milionë euro.
