Nga Prof. Kristo Muzaka
Qeveria e presidentit rus, Vladimir Putin ka për qëllim të influencojë zgjedhjet në të gjithë Europën dhe nga ky risk nuk shpëton as Shqipëria.
Nisur nga akuzat e përfshirjes së Rusisë në procesin zgjedhor në disa shtete Perëndimore si Italia , Gjermania, Estonia, Franca, në vendet e Balkanit si Maqedonia, Mal i Zi, Kosova, edhe Shqipëria është në shënjestrën e emisarëve rus.
Nga analiza e ngjarjeve gjeopolitike të periudhës ante zgjedhore vihet re që qarqet ruse dhe persona të afërt me politikën ekspasioniste ruse e shtojnë aktivitetin e tyre sidomos në periudha para zgjedhore.
Përdorimi soft power dhe aktivizimi i kontakteve dhe agjentëve të “fjetur” janë ndër risitë e metodave të sosfistikuara të përdorura nga Rusia për të ndryshuar votën e popullatës së gjerë dhe rezultatet e zgjedhjeve.
Propaganda ruse nis duke angazhuar lidhje pro ruse të cilët organizojnë emisione për ekonominë e një vendi duke kritikuar në mënyrë aggressive politikat dhe empfatizuar se gjendja ekonomiko politike në vend është në kolaps dhe kaos total.
Qëllimi i vetëm i kësaj demagogjie është krjimi i situatave të pavërteta dhe rritjen e frikës në komunitet se nëse nuk votohet në një mënyrë apo tjetër atëherë jetesa e tyre do jetë në rrezik dhe destabilizohet situate ekonomiko-gjeopolitike.
Në çdo vit para zgjedhor fushata propagandistike e financuar dhe ushqyer ideologjikisht nga qarqe pro ruse kanë për detyrë të sensibilizojnë opinionin publik dhe të ushqejnë me lajme të rreme apo genjeshtra të pastra.
Vihet re se analistë të shumtë, pseudo studiues por edhe politikanë kanë në retorikën e tyre ngjashmëri me politikat e Kremlinit dhe evidentohen sulme sporadike ndaj politikë bërësit vendas. 6 muajt para fushatës zgjedhore këto sulme mediatike arrijnë kulmin dhe nuk përjashtohet mundësia e krjimit/ nxitjes së protestave gjoja populiste kundër sistemit demokratik të një vendi.
Por përdorimi i medias nuk është i vetmi mjet që rusët kanë në dorë për arritjen e rezultatit të kërkuar. Rezultati i zgjedhjeve parlamentare/vendore në Shqipëri mund të ndikohet edhe nga sulmet kibernetike dhe fushata propagandistike e Rusisë.
Shumë shtete kanë denoncuar sulme kibernetike apo kanë zbuluar hakera rusë, të cilët kanë tentuar të marrin, por edhe kanë marrë në kontroll disa servera të rëndësishëm, duke ndikuar në procesin zgjedhor dhe duke dërguar emaile votuesve për ti sensibilizuar që të votojnë për njërën parti apo grupim politik që është me qasje pro ruse.
Një tjetër shqetësim actual me të cilin po përballet edhe Shqipëria është dhe përhapja e lajmeve të rreme nëpërmjet rrjeteve sociale, por edhe dy agjencitë e lajmeve ruse “Russia Today” apo “Sputnik News” si në rastin e referendumit në Mbretërinë e Bashkuar për daljen e saj nga Bashkimi Europian.
Federata Ruse është angazhuar në një fushatë të gjerë sulmesh kibernetike dhe dezinformimi për të influencuar politikën dhe zgjedhjet jo vetëm në Shqipëri por në të gjithë Europën. Shqipëria përbën interes madhor për Rusinë dhe qëllimi i vetëm është ndarja e shteteve nga NATO dhe duke dobësuar dobësuar institucionet demokratike dhe mbështetur ekstremiste, kandidatët pro-Moskës në të gjithë Europën”.
A do ti ndalë Rusia sulmet mediatike, kibernetike., propagandën kundër BE-së, NATO-s dhe ndërhyrjet në zgjedhjet e ardhshme vendore në Shqipëri?
Zgjedhjet vendore të 2019 do të jenë prova e radhës dhe fushëbeteja ndërmjet Rusisë dhe Vendeve Perëndimore por një gjë është e sigurtë edhe nëse Rusia dështon të ndikojë zgjedhjet në Shqipëri, ajo do të vazhdojë të ketë në shënjestër qeveritë evropiane, partitë politike, zyrtarët e qeverisë, subjektet zgjedhore dhe sistemet informuese publike.
