Ndërsa sulmet ajrore vdekjeprurëse ruse në Ukrainë vazhduan në ditën e katërt, Presidenti Volodymyr Zelensky përsëriti lutjen e tij për më shumë kapacitete të mbrojtjes ajrore, duke thënë se Kievi ka vetëm rreth 10% të asaj që i nevojitet për të luftuar sulmin e Moskës.
“Ne po luftojmë një vend të madh që ka shumë pajisje dhe shumë raketa”, tha Zelensky të enjten gjatë një fjalimi virtual në seancën e Asamblesë Parlamentare të Këshillit të Evropës.
“Nuk mund të shtoj asgjë për këtë, ne kemi rreth 10% të asaj që na nevojitet”, u tha Zelensky ligjvënësve evropianë.
Ai u bëri thirrje vendeve perëndimore si Shtetet e Bashkuara dhe Francës, që të rrisin ndihmën e tyre ushtarake për Ukrainën.
Lutja e Zelensky vjen në mes të një prej fushatave më të ashpra të bombardimeve, që Rusia ka zhvilluar kundër Ukrainës që nga pushtimi i vendit në fund të shkurtit.
Burimi i lajmit: CNN. Përshtatur nga Tirana Today
