Volodymyr Zelensky është përfshirë në një aksident, e ndërsa zëdhënësi i tij konfirmon se presidenti nuk ka pësuar dëmtime serioze.
“Në Kiev, një makinë pasagjerësh u përplas me makinën e presidentit të Ukrainës dhe automjetet e shoqërimit”, tha zëdhënësi Sergiy Nikiforov në një deklaratë të postuar në Facebook në orën 1:22 të mëngjesit me orën lokale.
“Mjekët që shoqëronin presidentin, i dhanë ndihmë emergjente drejtuesit të makinës dhe e transferuan në ambulancë”, vazhdoi ai.
“Presidenti është ekzaminuar nga mjeku, nuk janë konstatuar lëndime të rënda. Oficerët e rendit do të hetojnë të gjitha rrethanat e aksidentit”.
Në fjalimin e tij televiziv të natës, video e së cilës u postua menjëherë pas aksidentit, Zelensky tha se ai sapo ishte kthyer nga zona përreth Kharkiv, duke shtuar se “pothuajse i gjithë rajoni është i de-pushtuar” pas një kundërofensive për të zhvendosur trupat ruse.
“Ishte një lëvizje e paprecedentë e ushtarëve tanë – ukrainasit edhe një herë arritën të bëjnë atë që shumë menduan se ishte e pamundur”, tha Zelensky.
Burimi i lajmit: ndtv.com. Përshtatur nga Tirana Today
