Presidenti i Ukrainës, Volodymyr Zelensky, ka bërë thirrje për negociata për paqen “pa vonesë” dhe paralajmëroi se përndryshe humbjet e Rusisë do të ishin “të mëdha”.
Zelensky tha se “negociatat për paqen, për sigurinë, për ne, për Ukrainën, të drejta dhe pa vonesë — janë shansi i vetëm për Rusinë që të zvogëlojë dëmin nga gabimet e veta,” në mesazhin e tij të fundit në video.
“Ne gjithmonë kemi insistuar për negociata. Gjithmonë kemi ofruar dialog, kemi ofruar zgjidhje për paqen”, tha ai.
“Dhe dua që të gjithë të më dëgjojnë tani, veçanërisht në Moskë. Është koha për t’u takuar. Koha për të biseduar. Është koha për të rivendosur integritetin territorial dhe drejtësinë për Ukrainën”.
“Përndryshe, humbjet e Rusisë do të jenë aq të mëdha, saqë disa breza nuk do të mjaftojnë për të rimarrë”, shtoi Zelensky.
Burimi i lajmit: BBC. Përshtatur nga Tirana Today
