Presidenti i Ukrainës, Volodymyr Zelenskiy, i është drejtuar Parlamentit australian përmes lidhjes video. Apeli i tij ndaj tyre bazohej në kërcënimin ndaj sigurisë globale, nëse Rusia nuk ndalet në ambiciet e saj kundër Ukrainës.
“Nuk e kemi parë këtë në botë, që një vend të fillojë luftën kundër një vendi fqinj, duke shpallur hapur skllavërimin ose shkatërrimin e tyre. Për të mos lënë as emrin e atij kombi. Të mos ketë asnjë mundësi që ky komb të jetojë i lirë”, tha Volodymyr Zelenskiy.
Zelenskiy vijoi duke paralajmëruar në mënyrë specifike për kërcënimin e përdorimit të armëve bërthamore, duke i thënë Parlamentit australian:
“Askush nuk mund të thotë se ndonjë pjesë e botës (është e sigurt) nga kontaminimi radioaktiv që do të vijë, nëse përdoren armë bërthamore… Një vend që përdor shantazh bërthamor, duhet të marrë sanksione që do të tregonin se shantazhi i tillë është shkatërrues për shantazhuesin”.
Burimi i lajmit: The Guardian. Përshtatur nga Tirana Today
