Zëdhënësja e Partisë Demokratike, Ina Zhupa, ka folur për jetën e saj personale teksa ka qenë e ftuar në emisionin “Ftesë në 5”. Ajo ka lënë pas denoncimet në fushën e politikës, dhe ka folur për jetën e saj pasi lindi të voglin, Matias.
E pyetur nga moderatorja Bieta Sulo, se kujt i ngjan, demokratja tha se djali i ngjan të atit.
“Kjo është pjesa që s’më pëlqen. Është kopja e të atit. Më parë ishte qef, më thonin ‘ta shikoj pak, ta shikoj pak’, dhe u tregoja foton. Më pas vinte fjalia ‘uaa qenka si i ati’. Dhe unë mërzitesha”, tha ajo, dhe më pas shtoi me të qeshur se bënte shaka.
“Ka marrë nga burri, i ka ngjarë nga sytë dhe më pëlqen kjo gjë”, tha zëdhënësja e PD-së, Ina Zhupa.
