Liverpuli është zgjedhur të presë konkursin e këngës në Eurovizion, që do të mbahet në Mbretërinë e Bashkuar prej 25 vitesh. Shtëpia e The Beatles, Frankie Goes to Hollywood dhe The Wombats do të organizojnë ngjarjen spektakolare më 13 maj, pasi mundi konkurrencën nga Glasgow.
Shfaqja vjen në Mbretërinë e Bashkuar pasi fituesja e këtij viti, Ukraina, nuk ishte në gjendje të merrte detyrat e pritësit për shkak të luftës. Në një mesazh për Ukrainën, kryebashkiaku i Liverpulit tha se ngjarja në M&S Bank Arena, do ti bëjë krenarë. Claire McColgan, drejtore e Kulturës së Këshillit Bashkiak të Liverpulit, tha për BBC News: “Ndihet sikur i gjithë qyteti u hodh në ajër në të njëjtën kohë sonte”.
Kryeministrja e Mbretërisë së Bashkuar Liz Truss tha se Liverpuli “do të organizojë një shfaqje të paharrueshme që feston kulturën dhe krijimtarinë e pasur të Ukrainës”. Sekretarja e Kulturës Michelle Donelan shtoi: “Qyteti e do muzikën dhe di të organizojë një festë, kështu që nuk kam dyshime se do të presë një përvojë spektakolare për mijëra të pranishmit dhe miliona njerëz që shikojnë në shtëpi në BBC”.
Ylli i popit të Merseyside, Sonia, e cila doli e dyta për Mbretërinë e Bashkuar në Eurovizion në 1993, ra dakord. Ajo i tha BBC One Show: “Scousers dinë të festojnë dhe ne do të kemi festën më të madhe ndonjëherë”.
Marrë me shkurtime nga BBC. Përshtatur nga Tirana Today
