Deputeti i LSI-së, Endrit Braimllari ka zbuluar dokumentin, ku rezulton se Drejtori i Përgjithshëm i Bordit të Kullimit për rajonin Korçë, Elbasan, Berat, është një person i dënuar më parë nga Gjykata. Bëhet fjalë për shtetasin Nexhip Merolli, i cili rezulton se është person i dënuar më parë.
Në një postim në Facebook, Braimllari ka publikuar vendimin e kryeministrit Rama për emërimin e Merollit, si dhe vendimin e gjykatës për dënimin e këtij shtetasi.
“Kryeministri i drogës riciklon të dënuarit në poste kyçe në administratën publike”, shkruan ndër të tjera Braimllari në postimin e tij.
Postimi i Braimllarit
Edi Rama emëron Drejtorin e Përgjithshëm të Bordit të Kullimit për rajonin Korçë, Elbasan, Berat shtetasin e dënuar me vendim të formës së prerë nga Gjykata e Rrethit Gjygjësor Korcë, Nexhip Merolli. Kryeministri i Drogës riciklon të dënuarit në poste kyçe në administratën publike. Bashkëngjitur gjeni vendimin e Gjykatës dhe urdhërin e emërimit. Kjo është Rilindja e paligjshmërisë!
