Menaxheri i artistëve shqiptarë, Xhani Demika ka ndarë me publikun në emisionin “Vizioni i Pasdites” disa detaje lidhur me zënkën e famshme me dy binjakët e Al Pazar, Romeo dhe Donald Veshaj. I pyetur nga moderatorja Evi Reçi, se cila është arsyeja që Xhani nuk i ndjek më vëllezërit në Instagram, ky i fundit ka deklaruar se gjithçka ka ngelur për shkak të disa gjesteve që atij nuk i kanë pëlqyer. Ndaj dhe e ka parë të arsyeshme që i ka hequr nga Instagrami dy artistët.
“Këtij lajmi unë i isha shmangur pak këto kohët e fundit, mbase edhe pse çunat kanë qenë shumë të përfolur nëpër media, prandaj mund të jenë pikasur këto kohët e fundit.
Ka qenë një mbetje hatri nga ana ime, e them edhe publikisht, nuk e kam problem. Ka kohë që unë i kam hequr nga Instagrami vetë. I kam takuar dhe jua kam thënë edhe në sy çunave.
Nuk më kanë pëlqyer nja dy gjeste, sepse nëse dikë e quan mik, e quan të afërm dhe ke hyrje-dalje sa që të hash bukë më njëri tjetrin dhe të jenë disa gjeste shumë të vogla që nuk falen ne shoqëri, që mua më ka ngel hatri”, u shpreh Xhani Demika.
