Vrasësi i ish-policit Arben Bilali u kap nga ADN-ja e marrë nga një shishe uji në automjetin e tij. Gjergj Cukali, i njohur ndryshe si “i forti” i Myslym Shyrit ka qenë i përfshirë në disa ngjarje dhe vrasje të bujshme, si dhe arrestuar disa herë për shpërndarje dhe trafikim të lëndëve narkotike.
Ai njihet ndryshe edhe si anëtar i bandës së rrugës “Myslym Shyri”. Në vitin 2004 u bë i njohur për shkak të pengmarrjes së Fatjon Demirlikës, si dhe për vrasjen e pengut Klajdi Prenga në muajin gusht.
Kjo bandë është e përbërë nga djem, të cilët banojnë në rrugën “Myslym Shyri”, që janë Ilir Kodumi, Ledio Lito, Gjergj Cukali, Eduart Skukaj si dhe Florina Metalla.
