Moderatori i njohur Alaudin Hamiti është zgjedhur të jetë prezantuesi i edicionit të parë të “Big Brother VIP Kosova”. Ka qenë vetë moderatori që ka konfimuar lajmin, i cili ka marrë një tjetër përgjegjësi me mjaft peshë për një spektakël me personazhe të njohura.
Puna ka nisur dhe premiera e parë e spektaklit do të jetë në vjeshtë, konkretisht në muajin shtator. Ende nuk ka emra konkret rreth pjesëmarrësve, por pritet të ketë personazhe VIP nga Shqipëria dhe Kosova.
Ja se çfarë shkruan Alaudin Hamiti në një postim në rrjetet sociale:
Yesss! Është zyrtare! Me shumë kënaqësi konfirmoj se do të jem prezantuesi i BBVK në këtë super aventurë televizive që fillon këtë vjeshtë në ArtMotion&Klan Kosova.
Mezi po pres rrugëtimin tre mujor në “Big Brother VIP Kosova”, me synimin për të sjellë si gjithmonë, më të mirën në tregun mediatik kosovar.
Numërimi prapa ka nisë! Krejt sytë n’to.
View this post on Instagram
