Para një viti, gjyqtarja e ekzekutuar sot në Tiranë nga ish-bashkëshorti, i kishte dërguar letër ambasadorit amerikan Donald Lu.
Në këtë letër, Hafizi i kërkon ndihmë ambasadorit, të cilit i shkruan se nuk ka aspak siguri për jetën e saj
“Çdo ditë jetoj me frikën se ai do të dalë sepse mund t’i shuhet masa e sigurimit dhe mund të realizojë qëllimin e tij, të përfundojë veprimin që nisi sepse sistemi i drejtësisë po i jep një leksion “bëj çfarë të duash sepse nuk ka ndëshkim”, shkruhet në letrën e siguruar nga BalkanWeb.
Hafizi shkruan ndër të tjera se ndihet e braktisur nga shteti përballë kërcënimeve me jetë të ish-burrit të saj ndaj i drejtohet Donald Lu me argumentin se “nuk kam më se kujt t’i drejtohem. Ju siguroj që shqetësimin tim e kam ndarë me krerët më të lartë të sistemit të drejtësisë, sigurisht duke u kujdesur gjithmonë që të mos influencoj në dhënien e drejtësisë, por mesa duket veshët janë të shurdhër. Për të ndarë këtë shqetësim timin do ju isha mirënjohëse nëse do më kushtonit disa minuta nga koha juaj”.
FAKSIMILE E LETRËS SË PLOTË:
