Pas vendosjes së skulpturës abstrakte të Helidon Xhixhës, “Cosmic S”, në rrethrrotullimin “Zogu i Zi”, shumë pikëpyetje u ngritën rreth kuptimit të saj.
I ftuar në “Jo vetëm modë”, Xhixha foli rreth S- së kozmike, që konsiston në kundërvënien e dy piramidave.
“Qyteti i dinamizmit që ka Tirana, ky emocion, ky stimul më erdhi nga Tirana. Pashë Tiranën me këtë evolucion drite, energjie dhe këtë ndryshim force që ka ky qytet. Dy piramida në lëvizje dhe s- ja, domethënë shenja e të pafundmes, infinitit, që është ky qytet në evolucionin kontemporan”.
