Policia e Shkodrës ka identifikuar personin që u gjet i vrarë mesditën e sotme në zonën e Livadhes në periferi. Viktima është identifikuar si Arjan Ferracaku, 30 vjeç.
Informacionet e para tregojnë se trupi i pajetë i babait të dy fëmijëve u gjet rreth 1 km larg një makine e cila kishte qenë e braktisur aty.
Familja e viktimës janë pronarë të dy lokaleve, një në Zus të Shkodrës dhe tjetri në Velipojë.
Arjan Ferracaku njihej si djalë i mirë dhe pa probleme me ligjin, ndërkohë policia e FNSH kanë rrethuar zonën e po punojnë për zbardhjen dhe identifikimin e autorit/ve
Një 30 vjeçar është gjetur i vrarë pranë një makine të braktisur në vendin e quajtur “Bregu i Ranës” pranë liqenit të Shkodrës. Lajmi mbërriti në redaksi rreth orës 14: 30. Viktima është identifikuar si Arjan Ferracaku, 30 vjeç. Informacionet e para tregojnë se trupi i pajetë i babait të dy fëmijëve u gjet rreth 1 km larg një makine e cila kishte qenë e braktisur aty.
