Zbardhet dëshmia e deputetit Ervin Salianji lidhur me cështjen ‘Babalja’. Në dëshminë e dhënë sot për Prokurorinë e Krimeve të Rënda, Salianji ka treguar se si kishte rënë videoja në ‘duart’ e tij.
“Kam marrë informacion që një person kërkonte zyrtarë të lartë në Selinë e PD, përfshirë edhe mua, duke thënë në kafen e PD që ai kishte qëndruar gjatë me Albert Veliun për ta mbrojtur dhe ruajtur nga kërcënimet pas publikimit të audiopërgjimit ku përfshihej ne trafik droge vëllai i ministrit të brendshëm dhe kërkonte të paguhej për sigurinë e Veliut. Ai kërcënonte se nëse nuk paguhej ai do shkonte të merrte lekë nga PS duke u shtirur si Agroni. Në këto rrethana duke qenë se kam qenë një prej deputetëve që kam publikuar audio-skandalin ku vëllai i ministrit ishte përfshirë në trafik droge, ai me kërkonte dhe mua. E theksoj një person i panjohur për mua,” -mësohet të jetë shprehur Salianji, raporton News 24.
Burime nga Krimet e Rënda thanë se deputeti kishte treguar edhe se si e kishte siguruar videon e dytë, ku shfaqet Fredi Alizoti.
“Florenc Hoxha, ish-shef komisariati dhe ekspert i kriminalistikës kishte lënë në recepsionin e partisë një videoregjistrim me këtë person, ai më tha që ky person kërkonte të takohej me mua dhe pasi e kishte parë të dyshimte, prej eksperiencës se gjatë që ka pasur në policinë e shtetit për të përballur me delikuente e kishte regjistruar në momente relaksi dhe qetësie të plotë për çfarë i kishte ofruar Taulanti nga Librazhdi dhe Ard Veliu nga Delvina.”
Deklaron Salianji, ndërsa mësohet të ketë thënë se videon e ka riparë, pasi në 8 Qershor qarkulloi lajmi në media dhe nga shtetasit Edi Rama dhe Taulant Balla se në prokurori kishte marrë përsipër rolin e aktorit të Xhafajt një person.
Më tej Salianji tha se, është kujtuar për personin në video, ditën që e pa në gjykatë dhe kishte vendosur ta dërgonte atë në prokurori në ditën që ishte thirrur nga organi i akuzës.
