“Top Channel” çdo ditë po na informon për ndryshime të reja të programacionit. Sezoni i ri do të vijë me risi, duke bërë një konkurrencë mjaft të fortë me televizionet e tjera.
Çdo ditë, pas edicionit informativ, në orën 15:45 do të transmetohet “Top Talk” nga Denis Dyrnjaja, dhe jo “Pop Culture”, orari i të cilit ishte 15:35.
Në profilin zyrtar të “Top Channel” në Instagram shkruhet:
“Çdo ditë një ngjarje. Çdo ditë një intervistë. Çdo ditë një i ftuar. Çdo ditë një temë e aktualitetit. Politika, ekonomia, kultura, sporti, dhe gjithçka tjetër përballë faktit. Personazhe dhe protagonistë të jetës politike dhe publike në “#TopTalk”, çdo ditë në orën 15:45, në #TopChannel”.
Sa i takon “Pop Culture”, nuk dihet nëse do të ketë një pauzë të përkohshme, apo bëhet fjalë thjesht për zëvendësim oraresh.
