Deputeti konservator britanik, Johnny Mercer ka paguar rreth 1 mijë paund, pas një hetimi ku rezultonte se kishte bërë shpenzime të pajustifikueshme me telefonata.
Mes këtyre telefonatave, ishte edhe një numër shqiptar, kostot me të cilin shkonin në 466 paund.
Mbikëqyrësi i shpenzimeve të deputetëve IPSA shqyrtoi një ankesë lidhur me faturat e telefonave te deputetëve, ndërsa për deputetin në fjalë rezultoi se pjesa më e madhe e thirrjeve telefonike ishin bërë me numrin shqiptar, shkruan BBC.
Këto telefonata janë zhvilluar përgjithësisht në orët e natës, në muajin mars të vitit 2016. Por, deputeti Mercer mohon të ketë bërë shpenzime të tilla me telefonata, teksa pretendon se numri i tij është hakuar nga persona të tjerë që kanë abuzuar.
