Zbulohen foto të reja të minoritarit grek të vrarë nga forcat RENEA dy ditë më parë, në Bularat të Gjirokastrës. Historiani Arben Llalla ka publikuar disa foto të ekstremistit grek, që dëshmojnë se Kaçifas ishte veprimtar i Agimit të Artë.
Në njërën nga fotot e publikuara shihet 35-vjeçari së bashku me Eleni Dhimu, kryetare e Shoqatës Rinia e Veriut të Epirit, që sipas Llallës është bërë në shkurt të 2018-ës, në Athinë.
“Në protestë kundër Marrëveshjes Greko-Maqedonase”, shkruan ndër të tjera Llalla.
Në postimin tjetër, historiani publikon foto të Kaçifas me dy komando grupi 9, të Gumenicës me veshje të komandove speciale të Republikës së Greqisë.
“Fotot e Kostandin Kacifas me dy komando grupi 9, të Gumenicës i cili ka dalë në Shkurt 2018 në Selanik gjatë protestës kundër Marrëveshjes greko-maqedonas. Ja edhe fotot me veshje të komandove speciale të R. së Greqisë. A mos janë këta komandot që e braktisën Kacifasin? Në veshje komandot mbajnë flamurin e Aneksimit të Jugut të Shqipërisë. Këto komando kanë ardhur shpeshherë në Shqipëri si turistë. Ne të dashur grekë ua dimë emrat dhe fotot të tjera kemi, mos bëni nxitje të urrejtjes fqinjësore. Tani për tani deri këtu…”, shkruan Llalla.
