Akademiku Artan Fuga ka trajtuar tek “KAFE In” provimet e maturantëve dhe sa guxim kanë ata që të denoncojnë. Maturantët tashmë ia dolën mbanë që të kalonin me sukses provimet, por për të arritur deri në fazën finale, ata janë ndeshur me një sërë problematikash. Sikundër ndodh rëndom çdo vit, edhe këtë herë mësuesit kanë kërkuar konsulta private. Por më e rëndë ishte fakti ku mësuesit që janë pjesë e partive, ju japin kopje nxënësve që janë në forumin e partisë.
“Mësuesit kërkojnë konsulta privatisht, duke bërë presion për notën. Ka dhe raste që nuk bëhen konsulta fare dhe paratë jepen. Mësuesit që janë pjesë e partive, ju futin kopje nxënësve që janë në forumin e partisë, të cilës ata i përkasin”, tha Fuga në “KAFE In”.
Profesor Fuga këshilloi që të penalizohen mësuesit që abuzojnë. “Të penalizohen mësuesit që rezultatet që kanë dhënë në procesin mësimor, nuk ju përputhen me ato të maturës. Për një administrim më të mirë të provimeve, maturantët të mblidhen, që të shkëputen nga ambienti i tyre”, tha më tej ai.
