Një satelit i NASA zbuloi një anomali të gravitetit nën akullin e Antarktidës, duke nxitur supozimet e vjetra të ekzistencës së një baze sekrete nëntokësore naziste qysh nga Lufta e Dytë Botërore.
‘Ripërtëritja e Gravitetit dhe Eksperimenti i Klimës’ (GRACE) ishte një mision i përbashkët i NASA-s dhe Qendrës Hapësinore Gjermane që veproi nga marsi 2002 deri në tetor 2017. Duke matur çrregullimet e gravitetit, GRACE tregoi se si shpërndahet masa në mbarë planetin dhe si ndryshon me kalimin e kohës.
Megjithatë, një zbulim në Antarktidë ka marrë shumë më tepër vëmendje sesa rezultatet e pjesës tjetër të misionit. Në vitin 2006, një ekip studiuesish të udhëhequr nga Ralph von Frese dhe Laramie Potts përdorën të dhënat GRACE për të zbuluar një çrregullim të gjerë rreth 300 milje nën akull.
Ekipi doli në përfundimin se nën akull kishte një krater të ‘varrosur’ prej miliona vitesh, që mund të ishte shkaktuar nga një asteroid.
Megjithatë, teoricienët e konspiracionit e kanë kontestuar gjatë këtë fakt, duke pretenduar se nuk ka dëshmi të mjaftueshme për të provuar pretendimet e tyre. Tyler Glockner, i cili drejton kanalin YouTube ‘secureteam10’, beson se diçka ishte dhe ende është varrosur thellë nën tokë.
Teoricieni i konspiracionit zbuloi më 2016 se Antarktida është e mbuluar me mistere. Bazat sekrete të nazistëve dyshohet se u ndërtuan atje gjatë Luftës së Dytë Botërore dhe ka disa prova që tregojnë depërtimin e tyre në kontinent.
Në vitin 1991 KGB-ja deklasifikoi disa dokumente që hodhën dritë mbi operacionin “Highjump” të marinës amerikane që vazhdonte misione të panumërta në Antarktidë.
Por çfarë njihet deri më tani për interesimin e nazistëve për Antarktidën?
Organizuar nga Admirali Richard E. Byrd në vitet 1940, dihet se në operacion morën pjesë më shumë se 4.000 burra, 13 anije dhe 33 avionë. Arsyeja publike ishte të hulumtohej Antarktida. Por qëllimi i vërtetë ishte të hetohej një hyrje e gjetur në mes të akullit, që të çonte në një ‘tokë të brendshme’.
Nuk është hera e parë që hipoteza të tilla janë shfaqur. Në shkurt të vitit 2018, një hartë nxehtësie e botuar nga kompania e gjurmimit të GPS Strava, nxiti një valë debati në mesin e konspirantistëve për atë që dukej sikur të ishin një numër ndërtesash nën dëborë.
Përktheu dhe përshtati TIRANA TODAY
