Drejtoria e Përgjithshme e Shërbimeve të Transportit Rrugor, me anë të një postimi në Facebook, njofton se duke nisur nga e hëna, do t’i ndalojë çdo shërbim automjeteve që kanë errësuar xhamin e përparmë dhe xhamat e parë anësorë. Ky urdhër funksionon për të gjithë, pa dallime nëse janë shefa apo VIP-a.
“Nga 7.01.2019 i ndalojmë çdo shërbim automjeteve që kanë errësuar xhamin e përparmë dhe xhamat e parë anësorë!
Pa dallim: Shefa, VIP-a, të Fortë! Në bashkëpunim me Task Forcën e Transportit Rrugor dhe Policinë Rrugore, po skedojmë dhe do penalizohen edhe “ustallarët” dhe serviset!”, përfundon njoftimi në fjalë.
