Presidenti Bujar Nishani priti sot delegacionin e anëtarëve të Kongresit të Shteteve të Bashkuara të Amerikës, e kryesuar nga Bob Goodlatte.
Mësohet se në takim u diskutua mbi çështje si situata politike në vend, zgjedhjet e ardhshme parlamentare, ecuria e Reformës në Drejtësi, rëndësia e shtetit ligjor, shqetësimi për dukurinë e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen, duke pasur parasysh që Shqipëria është vend anëtar i NATO-s dhe aleat besnik e i ngushtë i Shteteve të Bashkuara të Amerikës.
Gjithashtu, në takim u vlerësua edhe roli institucional e përkushtimi i Presidentit Nishani në ndërmjetësimin e dialogut mes palëve politike në vend.
Në orën 17:00 ky delegacion do të zhvillojë një takim me kreun e Partisë Demokratike, Lulzim Basha.
