Në kohën kur studentët janë ngritur në protesta masive, dhe kërkojnë plotësimin e kërkesave të tyre, një shuplakë e fortë vjen për qeverinë, pasi është zbuluar një tjetër plagjiaturë në punimet Doktorale.
Denoncimin e ka bërë publik ish-zv.ministri Taulant Muka, i cili i ka nxjerrë “bojën” ish-ministres së Mbrojtjes, dhe deputetes së PS-së, Mimi Kodheli.
Ka qenë Vladimir Kola, student në Sapienza ai që ka bërë të ditur se Kodheli ka kopjuar disa autorë të huaj, duke i cituar si punimin e saj në Doktoraturë.
Vladimir Kola, thotë ndër të tjera se pas shumë orësh kërkimi në internet, ka zbuluar se Mimi Kodheli ka kopjuar disa paragrafë te tezës së saj te Doktoratës, pa cituar autorin origjinal. E thënë ndryshe, Kodheli i ka paraqitur paragrafët ne fjalë, sikur t’i kishte shkruar vetë ajo.
