Deputeti demokrat Luçiano Boçi, përmes fakteve ka denoncuar Ministrinë e Arsimit, e cila sipas tij, ka dhënë me qira muajin e shkuar godinën e shkollës në njësinë administrative Bradashesh, në Elbasan.
Demokrati, përmes një fotoje ilustruese thotë se ndonëse kërkesat për shkolla të reja janë maksimale, për shkak të degradimit infrastrukturor të tyre, Ministria i jep me qira.
Pavarësisht se në këtë godinë janë investuar gati 1.5 milionë euro, ajo jepet me qira me çmimin qesharak, 75 lekë.
Boçi tregon të gjithë rrugëtimin e kësaj godine, ndërsa fëmijët ndërkohë bëjnë çdo ditë 10 km për të shkuar në shkollë. Vendimin për ta dhënë me qira është marrë në muajin korrik, në kulmin e sezonit veror.
