Deputetja e PS, Elisa Spiropali, ka komentuar largimin e Fatmir Xhafajt nga posti i Ministrit të Brendshëm, dhe zëvendësimi i tij me Sandër Lleshin. E ftuar në emisionin “Kafein”, Spiropali ka komentuar largimin e Xhafajt si diçka krejt normale. Madje ajo tha se largimi i tij ishte me nder, pasi ka bërë një punë mjaft të mirë.
“Arsyet i dha vetë z. Xhafaj. Ai iku me nder, bëri një punë të mirë, me disa rezultate të dukshme. Dhe është normale që vjen një kohë kur ka nevojë edhe për zëvendësime. U largua me lirinë e tij të plotë në një kohë të caktuar, për të ruajtur dinjitetin e tij.
Sa i takon akuzave për vëllain e tij, Agron Xhafaj, do dalin hetimet e Prokurorisë dhe qeveria paralelisht do të vijojë punën. Nuk ka asgjë të çuditshme të ndryshohen ministrat në qeveri.
Traseja e shtuar në luftën kundër krimit dhe aksionet do vijojnë edhe me z. Lleshi”, u shpreh Spiropali, e cila hodhi poshtë edhe qëndrimet e kreut të PD, për largimin e Xhafajt.
“E sigurt se arsyet nuk janë ato që trumbeton Basha, ‘e larguam ne, lufta jonë e paepur, solli largimin e tij”, u shpreh Spiropali.
