Gazetari Artan Hoxha, ka rrëfyer në studion e lajmeve në “Report Tv”, se ekstremisti grek që u vra në Bularat të Gjirokastrës, nuk ka vepruar i vetëm. Sipas tij, ai nuk ka qenë amator, por një profesionist.
“Ai iu përgjigj RENEA-s me zjarr. Ai s’ishte amator. Ai ishte profesionist. Ai godiste me precision. RENEA u përpoq të kishte distancë të mjaftueshme me të. Personi në fjalë tentoi të arratisej. Forcat Speciale u përpoqën ta pengonin. S’ishte vetëm. Por kur panë RENEA-n, dronët dhe helikopterët u trembën. Ka qenë skenar, sepse ai nuk veproi i vetëm.
Kur i shihte syri rrezik, vepronte. S’ishte fshatar i thjeshtë. Askujt s’i bëhet qejfi për jetën e një njeriu, por askush se dinte çfarë do ndodhte. Nuk dihej nëse do ndihmohej sërish nga persona të armatosur. Në pamundësi të negociatave dhe të një zgjidhjeje tjetër, Forcat Speciale e neutralizuan. Ai u ndihmua nga të tjerë. Ku janë të tjerët që hynë në Shqipëri me Kaçifën?”
Gazetari ka zbuluar se ka nisur tashmë një hetim për veprimet e forcave RENEA, gjatë operacionit për arrestimin e Kaçifës. Ai thotë se kishim të bënim me një qytetar të armatosur që ka qëlluar mbi policinë. Jo vetëm kaq, por ka bërë rezistencë për tu dorëzuar.
“Forcat Speciale janë vënë nën hetim padrejtësisht. Kemi të bëjmë me një qytetar të armatosur. Kemi të bëjmë me një qytetar të armatosur që ka qëlluar mbi policinë. Iu bën rezistencë thirrjeve për t’u dorëzuar. Ka vazhduar të shkëmbejë zjarr me forcat tona speciale. Janë bërë të gjitha përpjekjet për ta kapur. Por në asnjë moment, ai s’ka pranuar të dorëzohet”.
Hoxha ka folur edhe për reagimin e banorëve të Bularatit, të cilët e kanë quajtur të padrejtë ekzekutimin e Kaçifas. Gazetari ka thënë se deklaratat e tyre janë të varura nga pensionet që marrin nga shteti grek.
“Bëra një reagim ku kujtova edhe historinë. Ku iu referova këtyre organizatave terroriste. Kanë qenë banorët e Bularatit, që kanë njoftuar policinë. Sot janë të detyruar të flasin kundër policisë, për shkak të pensioneve”.
https://tiranatoday.com/dalin-te-dhena-tronditese-per-35-vjecarin-ne-bularat-u-tentua-te-ndihmohej-shoket-e-tij-u-tremben-nga-renea/
