Drejtori i Përgjithshëm i Policisë së shtetit vetë deklaron se në datën 31 dhjetor 2016 ka Cash (në kasafortë, jastëk apo kudo tjetër) vlerën prej 37 000 euro. Në bazë të ligji, ish-drejtuesi i lartë i Policisë së Shtetit ka shmangur depozitimin në bankë të vlerës së mësipërme, dhe sipas ligjit kjo është një shkelje.
Përfitimi i kësaj shumë parash nga Çako, krijon bindje të arsyeshme se ai ka zgjidhur privatisht kontrata dhe marrëveshje shitblerjesh, ndërsa nuk i ka depozituar në llogarinë bankare, ç’ka ligji dënon një akt të tillë.
Deklarimi për vitin 2016
Ish-Drejtori i Policisë së shtetit ka deklaruar në 31 dhjetor të vitit 2016-së ka para Cash, në kasafortë, jastëk apo kudo tjetër vlerën e 37 000 euro, të clat janë grumbulluar nga efekte të kontratave noteriale të vitit, përkatësisht kontrata për zgjidhje marrëveshje, prenotim apartamenti dhe kontrata shitblerje makine. Ndërsa një llogari e hapur enkas për pagat është deklaruar se ka një shumë prej 738 751 lekësh, ndërsa të ardhurat nga paga dhe shpërblimet janë deklaruar 1 533 692 lekë.
Ndërsa bashkëshortja, Alketa Çako, të ardhura nga paga në Autoritetin Shëndetësor Rajonal dhe në Drejtorinë Rajonale të Sigurimeve Shoqërore, deklarohet 630 201 lekë.
Një pyetje tjetër është? A ka shkelur kreu i policisë së shtetit Ligjin. Neni 4/1 i Ligjit që rregullon çështje të deklarimit dhe kontrollit të Pasurisë së Zyrtarëve të Lartë?
“Subjektet që plotësojnë deklarimin për herë të parë, sipas nenit 5/1, të tij, nuk mund të mbajnë dhe të deklarojnë gjendje në cash, jashtë sistemit bankar, mbi shumën 1,5 (një presje pesë) milionë lekë. Për subjektet që deklarojnë sipas nenit 5/1, të këtij ligji, depozitimi në institucionet bankare i gjendjeve CASh mbi vlerën e parashikuar në paragrafin e parë të këtij neni, është i detyrueshëm përpara dorëzimit të deklaratës së interesave private në ILDKPKI”
