Zbardhet kërkesa e deputetit Saimir Tahiri, dërguar në Prokurorinë e Krimeve të Rënda.
Tirana Today ka siguruar dokumentin e kërkesës së ish-ministrit Tahiri, i cili kërkon paraqitjen e tij për të bërë deklarime lidhur me akuzat e prokurorisë, si dhe kërkon vënien në dispozicion dhe njohjen me të gjitha materialet dhe aktet procedues të çështjes penale.
Në kërkesën drejtuar prokurorit Besim Hajdarmataj, Tahiri kërkon të thirret në një kohë sa më të shkurtër për të dhënë deklarime si dhe për t’u marrë në pyetje për çdo fakt, që nga ana e organit të akuzës do të çmohet i vlefshëm dhe në ndihmë të hetimit.
“Kërkesa ka të bëjë jo vetëm me garancitë Kushtetuese, por edhe me pozicionin e personit nën hetim në cilësinë e deputetit të Kuvendit të Shqipërisë, i cili kërkon jo vetëm t’i hapë rrugë hetimit, por edhe ë dalë dhe të sqarohet e vërteta lidhur me pozicionin e tij, ndaj akuzave të bëra tashmë publike si dhe një detyrim për të bërë të qartë opinionin dhe pozicionin e tij të pa implikuar në vepra penale”, shkruhet ndër të tjera ën kërkesën dërguar Prokurorisë.
