Rexhep Rraja dhe Xhisiela Maloku kanë komunikuar herë pas here, që pas publikimit të dëshmisë së ish-nënkomisar Emiljano Nuhu.
Tashmë Xhisiela është shprehur publikisht se është sqaruar me Rexhepin dhe kërkoi që ky i fundit të lirohet nga burgu.
Prokuroria e Krujës ka kryer një përgjim ambiental mes të rinjve, në datën 29 shtator. Xhisiela dhe Rexhepi janë regjistruar për rreth 2 orë e 30 minuta, një ditë para arrestimit të djalit të deputetit socialist.
BalkanWeb ka zbardhur bisedat mes tyre, ku Xhisiela thotë në prani të ish-të dashurit të saj se i ka thënë prokurores së nuk do të flasë për dhunën pasi nuk është në gjendje.
Xhisiela: Ja për këtë, nuk mbaj mend thash, nuk du t’flas për tjetër njeri. A e ke dhënë me dijenin tënde a t’ka detyru kush? Jo, vetëm për kët tha, për dhunën nuk do t’flas thash nuk jam në gjendje.
Rraja: Ku do t’flasësh?
Xhisiela: N’Tiranë
Rraja: Po a e kena lanë që këna shpresat matanë, mos me u humb shpresat.
Ndërsa në vijim zbulohet se lidhja mes të rinjve duket se nuk e ka pëlqimin e deputetit socialist Rrahman Rraja, i cili i ka thënë djalit të tij se do e bëjë lanet të birin nëse shkon pas 25-vjeçares.
Të rinjtë janë treguar të kujdesshëm, pasi shpesh flasin të rezervuar, apo edhe me kode me njëri-tjetrin.
Gjatë bisedës, Xhisiela i thotë ish-të dashurit, se kanë ushtruar dhunë ndaj njeri tjetrit disa here, ndërsa i riu i thotë se pistoletë nuk ka përdorur ndonjëherë ndaj saj.
Xhisiela: Jena rraf 100 here sa jena rraf ne?! Edhe unë t’kam rraf një herë ta dish! Do t’denoncosh?
Rraja: Pistolete nuk kam përdor ndonjëherë ndaj m’vje inat.
Në bisedë, vërehet se disa herë ata i drejtohen njëri tjetrit me fjalë fyese, ndërsa në përfundim të bisedës ata thonë se do të shkojnë diku për të drekuar.
Xhisiela: Do ikim pastaj të hamë nai gjo se vdiqa?
Rraja: Po a tu prit Indriti, pra do ikim me hangër bukë.
Xhisiela: Do vijsh ti?
Rraja: Po do vij unë. Prandaj po t’ them mos prish punë.
Xhisiela: Jo mor s’prish punë, por ti m’hangre m’çmene. I kam hudh fare, m’kanë marrë në pytje disa herë.
Rraja: Po mirë unë du ta shikoj ta lexoj.
Xhisiela: Po i kam hedh mor qafsh t’gjithë.
