Arben Bilali, ish-efektiv i policisë, ka ndërruar jetë në spital pasi u qëllua me armë zjarri në zonën e ish-stacionit të fundit të “Tiranës së Re”. Ngjarja ka ndodhur mesditën e sotme, ndërkohë që autorët janë larguar nga vendngjarja me një automjet tip Benz.
E shkuara e errët
Arben Bilalit i është organizuar dhe një atentat në vitin 2010, e po kështu i kanë vrarë të vëllanë për hakmarrje, Leonard Bilali, ish-mundës i Dinamos.
Leonard Bilali u vra në muajin gusht të 2010-tës, po në të njëjtën zonë ku është vrarë sot dhe ish-polici.
Leonard Bilali, ish-mundës i ekipit të Dinamos, u ekzekutua me katër plumba në një nga lokalet në rrugën ‘Irfan Tomini’ në kryeqytet, jo pak vendit ku sot u vra vëllai i tij, Arbeni.
Dyshimet në atë periudhë ishin se Leonardi mund të ishte ekzekutuar pas një sherri banal në lokal, ndërkohë që u hetua edhe pista e hakmarrjes. Pas hetimeve, në media u raportua se policia kishte shpallur në kërkim një person që dyshohet se kishte qëlluar mbi Leonardin.
