Arrestimi i Endrit Vejsiut u kthye në kohë reale në qendër të vëmendjes, kjo edhe për shkak se është vëllai i prezantueses së njohur Alketa Vejsiu. Ai u prangos në sajë të operacionit të koduar “Telekomanda”.
Policia e Lezhës organizoi dje operacionin në fjalë, ku dhe arrestoi 29-vjeçarin nga Tirana, Endrit Vejsiu.
Ky i fundit u ndalua teksa po qarkullonte me një mjet tip “Opel”, dhe gjatë kontrollit u konstatuan në gomën rezervë në bagazh katër mina me telekomandë, dhe një sasi lënde narkotike.
Burime nga grupi i hetimit bënë të ditur se ka pasur informacion paraprak për veprimtarinë e të riut nga Tirana, i cili do të kryente transportin e minave me telekomandë, që dyshohet se do të përdoreshin nga porositësit për qëllime kriminale, shkruan “Panorama”.
Për faktin se çështja është ende në hetim, dhe dyshohet për të tjerë të implikuar në trafikun e lëndës shpërthyese, Policia e Lezhës ka qenë mjaft hermetike dje në dhënien e detajeve.
Por, sipas të dhënave nga burime policore, 29- vjeçari nuk rezulton person me precedentë penalë. Ai nuk ka qenë i përfshirë në ngjarje të tjera.
https://tiranatoday.com/mina-me-telekomande-dhe-kanabis-ne-bagazhin-e-opel-it-pranga-vellait-te-alketa-vejsiut/
