Ritvan Zykaj i cili vrau më 10 gusht 8 kushërinjtë e tij të parë të fisit Zykaj, në fshatin Resulaj të Selenicës në Vlorë, kishte telefonuar policinë pas aktit tragjik.
“Monstra” kishte tentuar të vetëdorëzohej në polici, por më pas është tërhequr. Burime nga grupi hetimor thonë për “tvklan.al” se 24-vjeçari Zykaj telefonoi policinë gjatë minutave të para që ishte në arrati. Për shkak të zonës në të cilën ndodhej, telefonata në numrin 112 u kap nga Policia e Fierit.
Ritvan Zykaj i tha sallës operative për krimin që kishte kryer, dhe kërkoi të vetëdorëzohej. Në këtë moment, punonjësit e Policisë së Fierit telefonuan sallën operative të Policisë së Vlorës, për t’i kaluar telefonatën e 24-vjeçarit Zykaj, dhe në këtë moment ky i fundit ka mbyllur telefonin pa dhënë shpjegime.
Zykaj nuk bëri tjetër tentativë për t’u lidhur me policinë, dhe për t’u dorëzuar. Ai qëndroi në arrati për rreth 12 orë në një zonë me shkurre, në periferi të Selenicës. Vrasësi i kushërinjve u diktua përmes dylbive rreth orës 05:00 të mëngjesit të 11 gushtit. Forca të shumta policie e rrethuan dhe i bënë thirrje të dorëzohej. Zykaj hodhi kallashnikovin dhe u arrestua pa bërë rezistencë.
https://tiranatoday.com/masakra-me-8-te-vrare-per-pulat-e-detit-banoret-e-fshatit-tregojne-per-sherrin-ne-fisin-zykaj/
Vëllai i autorit të masakrës në Selenicë të Vlorës ka qenë ndërmjetësuesi kryesor dhe ai që ka bindur Ritvan Zykajn që të dorëzohet në polici, pas krimit makabër. Ritvani ka negociuar gjatë kohës që i vëllai ishte në arrati, derisa ka arritur ta bindë të dorëzohet. Ai e pyeste vazhdimisht se ku ishte dhe ai i përgjigjej se ndodhej rrotull fshatit, ndërsa në një nga mesazhet që i ka dërguar vëllait, Ritvani ka treguar edhe shenja pendese për krimin e kryer.
“Bo-bo çfarë kam bërë”, ka qenë një nga sms-të. Pak sekonda para se t’i fikej telefoni, ai tregoi adresën e përafërt se ku fshihej, pikërisht ne vendin e njohur si “Çezma e misrit”. Pas arrestimit, autori nuk ka bërë rezistencë dhe ka ngritur duart lartë.
Zykaj tashmë do të mbahet mend gjatë si “monstra i Selenicës”, pasi prej dekadash në vend nuk kishte ndodhur një ngjarje kaq makabre.
Gjykata e la atë në burg, për veprën penale “vrasje në rrethana cilësuese, të më shumë se dy personave”.
