Kryeministri i Maqedonisë, Zoran Zaev tha se hekurudha, energjia elektrike dhe hapja e një pike të re doganore janë pikat që lidhin Shqipërinë dhe Maqedoninë. Në mbledhjen e përbashkët të dy qeverive Zaev foli për intensifikim të bashkëpunimit mes dy vendeve ku përmendi dhe një linjë hekurudhore që lidh Shqipërinë dhe Maqedoninë. Ai tha se dyja vendet duhet të kontribuojnë për zhvillimin rajonal dhe projektet strategjike. Zaev ftoi qeverinë shqiptare që mbledhjen e ardhshme ta zhvillojnë në Ohër ose në Strugë.
Ndërkohë që dy qeveritë bëjnë marrëveshje bashkëpunimi, Bashkimi Evropian “hap thesin” për Ballkanin(lajmin e plotë lexoje këtu). Banka Evropiane për Ndërtim dhe Zhvillim në bashkëpunim me BE-në do të ndihmojnë Shqipërinë dhe Maqedoninë në planet investuese. Ndihma do të ketë fokus projektet investuese në fushën e infrastrukturës, por edhe në projekte të tjera që janë shumë të ndjeshme.
Shteri që mërr më shumë nga këto projekte të BERZH në Ballkan është Maqedonia me vlerë investimi në 1.6 miliard euro, ndërsa Shqipëria ka marrë gjysmë milioni më pak se Maqedonia. Një shtet me popullsi më të vogël se Shqipëria, arrin të marrë investime më të mëdha se vendi ynë.
“Dy qeveritë tona duhet që të punojnë për të rritur sa më shumë cilësinë e jetës së qytetarëve tanë. Prezenca e shtuar vizitave në nivel të lartë po tregon më shumë bashkëpunim. Kemi filluar të punojmë më shumë në kuadrin e programit të Berlinit. Në këtë seancë dua të ritheksoj se duam të shtojmë dhe të avancojmë marrëdhëniet fqinjësore. Ne si popuj miqësore vetëm përmes një zhvillimi të përbashkët mund të arrimë ato që duam. Në planin e Brendshëm ne jemi përkushtuar një procesi të reformave.
Duam që në 2018 të fillojnë negociatat për të dy shtetet drejt anëtarësimit në BE. Vendet anëtare të BE-së shprehin konfederatë për procesin që dy vendet tona kanë bërë. Maqedonia dhe vendet e rajonit përballen më detyrimin që të plotësohen kriteret për ti treguar Evropës së jemi të denjë për tu integruar në familjen Evropiane. Ne jemi të përqendruar që të bëjmë maksimumin nga ana jonë për të bërë një hap përpara. Është e nevojshme që vendet tona të zhvillojnë takime dhe të hartojmë plane tona për projekte të përbashkëta.
Kemi mundësi të bashkëpunojmë në kuadrin energjetik por gjithashtu dhe të kemi bashkëpunim mes dy vendeve tona edhe në aspektin hekurudhor por dhe për hapjen e një pike të re doganore midis dy vendeve tona. Ne e votojmë qeverinë shqiptare që mbledhja e ardhme midis dy qeverive tona të bëhet në Ohër ose në Strugë, kjo mbetet për tu diskutuar. Ne kërkojmë që të vijojmë bashkëpunimin midis dy vendeve tona dhe arritjen e marrëveshjeve dhe për më tej”, deklaroi kryeministri Zaev.
