I pafat, ishte hapi i tij më i madh në karrierë dhe e shijoi vetëm 6 minuta. Gordon Hayward ka arritur të qëndrojë mbi parket vetëm 6 minuta në përballjen e Cleverland-Boston. Pasi 6 minuta më vonë pëson një dëmtim”horror” duke thyer këmbën e majtë dhe duke e mbyllur sezonin ende pa filluar. Gordon Hayward ra keq pas një dyluftimi për topin me Lebron James, duke thyer këmbën e majtë.
Fillimisht stafi mjekësor i Bostonit deklaroi se Hayward kishte pësuar frakturë në gju por më pas u vërtetua se 27-vjeçari nga Indianapolis i cili këtë verë bëri hapin e madh në karrierë duke u transferuar nga Utah Jazz te Boston Celtics kishte thyer këmbën e majtë. Se sa kohë do ta zgjasë riaftësimi i tij nuk dihet, me skuadrën më të titulluar të NBA që humbet pa nisur mirë sezoni i ri i NBA një nga basketbollistët e saj më të mirë.
https://www.youtube.com/watch?v=ZTY_4U_X9lc&ab_channel=MLGHighlights
