Ylli kolumbian dënohet me 14 muaj burg dhe 9 milionë euro gjobë

Një tjetër dënim i ashpër vjen nga gjykata spanjolle për një lojtarë që ka milituar vite më parë në La Liga. Bëhet fjalë për Radamel Falcao i cili është akuzuar për evazion fiskal në periudhën që ka qenë pjesë e Atletico Madridit. Falcao u shpall fajtor për mashtrim dhe deklarim të rremë të të ardhurave për vitet 2012 dhe 2013 dhe gjithashtu për mashtrim për të ardhurat nga të drejtat e imazhit.Dënimi? 16 muaj heqje lire (me kusht) dhe 9 milionë euro gjobë. Por ka një opsion që Falcao ti shpëtojë burgut, pasi ligji spanjoll thotë se burgu është i detyruar vetëm kur dënimi është dy-vjeçar. Për këtë arsye ylli kolumbian ka rënë dakord për të paguar 9 milionë euro gjobë dhe si rrjedhojë është dënuar 16 muaj me kusht, jo me burgosje…Falcao nuk është i pari dhe me shumë mundësi nuk do të jetë as i fundit që akuzohet dhe dënohet për evazion fiskal. Zyra fiskale e Madridit ka denoncuar disa lojtarë të Real Madrid për evazion fiskal, pa përmendur yjet Cristiano Ronaldo dhe Leo Messi. Mes emrave më të njohur listohen Xabi Alonso, Ángel Di María dhe Ricardo Carvalho, si dhe së fundmi Modric, Marcelo por edhe Mourinho.