Është një nga të mbijetuarit e sezonit 2017 dhe mezi pret të marrë një hakmarrje të madhe.
Marquinhos, mbrojtësi i Paris Saint-Germain, komentoi shortin në raundin e 16-të të Ligës së Kampionëve, ku parizienët do të përballen me Barcelonën.
“Ne presim një betejë të madhe dhe do të duhet të jemi të gatshëm për këtë sfidë. Ekziston një histori e mirë midis dy klubeve në Ligën e Kampionëve”.
“Kemi kujtime të mira dhe të këqija. Ekipi ka ndryshuar shumë, ne kemi më shumë pjekuri, konteksti do të jetë domosdoshmërisht shumë ndryshe.
Neymar na ndëshkoi atëherë, por tani ai është me ne, dëshiron ta luajë këtë ndeshje dhe të na lejojë të fitojmë”.
