Myftiu i Tiranës, Ylli Gurra është i vetmi nga tre kandidatët për kreun e KMSH-së që ka shpalosur një platformë para Këshillit të Komunitetit Mysliman.
Tirana Today ka zbardhur një pjesë nga platforma e Gurrës, e cila përbëhet nga 9 pika kryesore.
Çfarë përmban platforma e Gurrës, zbardhur gjatë fjalës së tij para Këshillit:
“Do të doja të shpalosja tani me radhë para jush vetëm pak nga platforma ime për ringritjen e KMSH-së dhe për futjen e saj në shinat e duhura, të cilat i shuan ata para nesh.
Për ne KMSH është e para dhe duhet jetë prioriteti ynë.
1 .Të jetë e myslimaneve dhe e gjithë shqiptarëve.
- Të jetë e pavarur dhe jashtë çdo ndikimi i çfarëdo lloji qoftë dhe vendimet e saj t’i marrin myftitë, imamet dhe hoxhallarët fisnikë.
- Të jetë transparente në të gjitha veprimet, vendimet dhe qëndrimet e saj.
- Të marre fund njëherë e përgjithmonë situata absurde financiare në fushën e pagesave të imamëve dhe myftive.
- Të kthejmë dinjitetin e institucionit në vendin që i takon dhe të jemi të vetëdijshëm për kontributin që kemi për Shqipërinë tonë të dashur.
- Të vazhdojmë dhe konsolidojmë më tej bashkëjetesën paqësore në urdhrat që na ka dhëne Allahu në Kuranin Famëlartë dhe Profeti i Tij, Alehin selam.
- Të luftojmë të gjithë bashkë çdo shfaqje të radikalizmit dhe ekstremizmit, përçarjes, apo çdo fenomeni negativ në mesin tone.
- Që sot e tutje deviza jone të jetë çfarë bëra unë sot për fe e atdhe dhe jo çfarë beri atdheu dhe feja për mua.
- Bashkimi është rruga, njohja e te gjithë kontribuuesve, nënndarjeve që kemi dhe të shohim përpara dhe vlerat që na përbashkojnë e t’i rrimë larg gjërave që mendojmë ndryshe për çështje dytësore.
Dhe njëherë për atdhe dhe fe ju ftoj të shpreheni sot për platformën tone të përbashkët.
Allahu na dhëntë sukses në punën tonë të përbashkët.”/ Tirana Today
