Pas disa vitesh Interi është rikthyer të luaj në Champions League dhe drejtuesit kinezë kanë vendosur që ti bëjnë disa dhurata. I pari që pritet të afrohet tek zikaltërit është mesfushori belg, Radja Nainggolan, i cili ka punuar edhe më parë tek Roma me trajnerin italian dhe ishte një ndër lojtarët më të rëndësishëm për të. 
Spalletti e sheh belgun si pikën më të fortë të mesfushës dhe se ai është ajo çfarë i mungoi Interit këtë sezon, një lojtarë që godet mirë dhe shënon nga jashtë zone. Duket se Radja Nainggolan i ka pranuar kushtet e Interit para një transferimi të mundshëm te klubi zikaltër nga Roma, raporton Gazzetta dello Sport.
Megjithatë, Interi ende nuk ka arritur marrëveshje me Romën për shërbimet e mesfushorit belg. Roma vazhdon t’i kërkojë plot 40 milionë euro për ta lëshuar 30-vjeçarin. Interi, megjithatë, deri tani i ka ofruar vetëm 25 milionë euro plus mesfushorin e ri Nicolo Zaniolo.
