Juventusi me Cristiano Ronaldon në grup është kthyer në një ekip më të fort dhe objektivat janë rritur. Paulo Dybala mendon se me yllin portugez në skuadër Juventusi i ka shanset më të mëdha që të triumfojë në Champions League. Në një intervistë për tabloidin britanik “Daily Mirror”, argjentinasi u shpreh i lumtur që luan përkrah një ndër lojtarëve më të mirë në botë.
“Tek Juventusi është gjithmonë i njëjti objektiv, për të fituar tituj”, ka deklaruar Dybala. “Është e vërtetë se këtë vit, nga jashtë, Championsi duket më shumë se një obsesion, por fokusi është si gjithmonë, edhe në titullin e Serie A”, vijoi ai.
“Do të kemi një mundësi të madhe për të fituar Champions Leaguen këtë vit. Ronaldo na ofron siguri , është një lojtar i mirë dhe këtë sezon kemi luajtur shumë mirë”, ka shtuar argjentinasi.
Bardhezinjt kanë shkuar dy herë në finale të Ligës së Kampionëve në katër vitet e fundit, por u mposhtën nga Barcelona dhe Real Madrid. Liga e Kampionëve është synimi kryesor i Juventusit këtë sezon pas dominimit prej 7 vitesh në Serie A.
