Zyrtari i lartë i Departamentit amerikan të Shtetit, Hoyt Brian Yee, menjëherë pas përfundimit të vizitës në Ballkan, bëri një pasqyrim të situatës politike në Rajon, në një fjalim që mbajti në mbledhjen e nënkomitetit të SHBA-ve për Marrëdhëniet me Jashtë.
Siç raporton RTK, Yee foli me nota paralajmëruese, teksa tha se Rusia ka rritur përpjekjet e saj për të ndikuar politikën në Ballkan.
Zv/ndihmës sekretari amerikan i Shtetit tha se shumë vende të Ballkanit, si Shqipëria dhe Mali i Zi, duan integrim më të thellë në Perëndim dhe Uashingtoni i mbështet ato.
Por, sic tha ai, Moska po përpiqet ta parandalojë një gjë të tillë me mjete financiare dhe politike, çka e cilësoi “ndikim malinj” të Rusisë.
Yee tha se Moska po përpiqet të nxisë edhe Republikën Serbe të ndahet nga Bosnja dhe Hercegovina.
