Ish-nipi i diktatorit Enver Hoxha është liruar ditë më parë nga burgu, ku qëndronte për tre vite. Vlen të theksohet se lajmi për lirimin i tij është mbajtur i fshehtë gjatë këtyre ditëve. Mësohet se Ermal Hoxha është liruar me kusht, dhe se ai e ka lënë qelinë ditën e premte, më 14 shtator. Hoxha ka dalë nga qelia, ndonëse i kishin mbetur edhe disa vite të tjera burgim.
Ai u prangos në vitin 2015, në kuadër operacionit të koduar “Xibraka”, ku në periferi të Tiranës u zbulua një laborator i prodhimit të kokainës. Ermali u dënua fillimisht me 10 vite burg, por falë gjykimit të shkurtuar mori vetëm 6 vite e 8 muaj burgim.
Ai u kap pas një operacioni të policisë në Xibrakë në 14 janar 2015, ku ishte ndërtuar një laborator droge që merrej me përpunimin e kokainës.
Ermal Hoxhës i ka mbetur edhe 1 vit e 6 muaj burg pa vuajtur nga dënimi i dhënë nga Gjykata e Krimeve të Rënda.
Në muajin nëntor 2017, Gjykata e Apelit për Krimet e Rënda pranoi kërkesën e nëntë të pandehurve për dosjen “Xibraka”, të cilëve iu njoh gjykimi i shkurtuar.
Rrjedhimisht, sipas trupës gjyqësore të Apelit, nga aplikimi i gjykimit të shkurtuar, secili nga të pandehurit përfiton një të tretën e uljes së dënimit.
Mes të shpallurve fajtorë ishte edhe Ermal Hoxha, nipi i dikatorit Enver Hoxha, të cilit nga 10 vite burg që vendosi Shkalla e Parë, nga Apeli iu dha dënimi me 6 vjet e 8 muaj burgim.
