Një ditë më parë, 25 vjeçarja Xhisiela Maloku hodhi akuza mbi PD-në se ka organizuar shpërthimin e tritolit në shtëpinë e saj në Larushk. “Vendosja e tritolit u bë nga PD, sepse ajo doli bllofit, sepse të vërtetën e di vetëm unë”, tha ajo, ndërsa dilte nga shtëpia e saj në Larushk.
Por përtej kësaj deklarate, në media u përfol shumë në lidhje me veshjet e shtrenjta të saj, makinën, apo syzet të cilat janë markë. Vetë Xhisiela ka reaguar ndaj këtyre komenteve, duke bërë me dije përmes një postimi në Instagram se ata që e njohin, e dinë se kush është!
Pas sulmit me eksploziv që ndodhi në banesën e gjyshit të Xhisiela Malokut, kjo e fundit është marrë në mbrojtje nga policia. Po kështu, në mbrojtje janë marrë edhe familjarët e saj.
