Këngëtarja Xhesika Polo ka nxjerrë hatërmbetjet që ka me Vera Grabockën dhe Alketa Vejsiun. Ajo ka shkuar edhe më tej duke bërë një deklaratë të fortë, ku tha se është ndjerë e mashtruar prej tyre. Gjithcka ka nisur me “Kënga Magjike” dhe kënga e saj e cila mbeti jashtë konkurrimit.
“E kam prekur këtë pjesë edhe në momentin që u bë festivali, nuk mendoj që kam marrë trajtimin që mendoj se meritoja nga produksioni i “X Factor”.
Ai vit ka qenë viti që e mori Vera produksionin e “Kënga Magjike” e meqë më ftoi Alketa për një takim, më pas u hap edhe tema e festivalit.
Dhe ajo më tha bëj një këngë. Unë e bëra këngën dhe mori çmim të parë në një festival në Maqedoni. Dhe nuk u futa… Pashë listën dhe pashë që nuk ishte emri im. Unë e mora Alketën në telefon me të gjithë të drejtën e kësaj dhe ata ma hodhën në kosh këtë investim që unë bëra me gjak e me mund”, tha ajo në emisionin “Natën me Aulonën”.
