Ndeshja e radhës për Zvicrën e shqiptarëve do të jetë përballë Serbisë. Xherdan Shaqiri në prag të kësaj ndeshje në dukje mjaft delikate për futbollistët kosovarë, për shkak të historisë është shprehur se nuk ia kanë frikën askujt.
“Unë nuk mendoj se ka shumë presion mbi ne, ne nuk ia kemi frikën askujt, ne kemi cilësi për të fituar ndaj gjithkujt. Ne i njohim aftësitë tona, kemi lojtarë të mëdhenj që luajnë në ligat më të forta me vite”, ka deklaruar Shaqiri para ndeshjes me Serbinë.
Zvicra dhe Serbia do të përballen në një takim “final” në botërorin e Rusisë në kuadër të xhiros së dytë të fazës së grupeve. ‘Helvetikët’ kanë marrë një rezultat të mirë ndaj Brazilit duke barazuar 1:1, ndërsa Serbia ka mposhtur 1:0 Kosta Rikën.
