Tezja e të fejuarës së Ronaldos, Xheorxhinës ka akuzuar këtë të fundit se nuk do t’ia dijë për familjarët e saj.
Ajo tha në një program televiziv se modelja u njoftua se xhaxhai i saj është në ditët e fundit të jetës, por Xheorxhina as nuk e telefonoi dhe as nuk shkoi për ta parë.
“Ajo duhet të kishte telefonuar xhaxhanë e saj kur e njoftuam se i kishin mbetur edhe disa ditë jetë ose të kishte prerë një biletë që të paktën ta shihte para se të vdiste, meqë e konsideronte si baba”, tha gruaja, ndërsa më tej deklaroi se modelja duhet ta ndihmojë familjen e saj, pasi jeton me një milioner.
“Ti je me një futbollist milioner. Le të shohim nëse do na dërgosh qoftë edhe 1000 euro”, tha ajo teksa shtoi se problemet me mbesën kanë nisur kur modelja filloi të bashkëjetonte me Ronaldon.
