Gjesti i shqiponjës i shoqëron lojtarët shqiptarë jo vetëm në fushën e blertë, por kudo. Së fundmi, është Granit Xhaka ai që ka bërë shqiponjën me duar së bashku me të fejuarën e tij, teksa darkonin.
Daily Mail i ka kushtuar një artikull këtij gjesti, duke shkruar se Xhaka demonstroi krenarinë e tij për rrënjët kosovare-shqiptare gjatë Kupës së Botës, ndërsa tashmë i është rikthyer këtij momenti gjatë një darke të Mërkurën me bashkëshorten e tij.
Mesfushori i Arsenalit performoi gjysmën e shqiponjës me njërën dorë bashkë me të shoqen, Leonita Lekaj, e cila ka origjinë shqiptare po ashtu.
Ata po festonin Ditën e Pavarësisë, që u shpall me 28 Nëntor 1912, shkruan Daily Mail.
Por, duket se jo të gjithë ndjekësit e Xhakës e kanë kuptuar mesazhin, teksa ata kanë menduar se çifti po tregonte unazat e fejesës, duke e uruar lojtarin.
Në fakt, Xhaka dhe e shoqja janë martuar në Korrik të 2017-ës.
